Arrondo auzoko baserri batean izan da sutea eguerdian
SOS Deiak-ek jakinarazi duenez, ondorio larririk gabeko sutea izan da eguerdian Ataungo Arrondo auzoko baserri batean. Larrialdietako zerbitzuek 11:55ean jaso dute deia, baserriko tximiniak sua hartu duela ohartaraziz. Ordiziako suhiltzaileak gerturatu dira baserrira, eta sua itzali dute. Teilatuko egiturak kalterik ez dituela izan ziurtatu ondoren, amaitutzat eman dute beren lana 13:15ean.