Zumarragako Arcelor Mittaleko langileek Eusko Jaurlaritzaren eta Gipuzkoako Foru Aldundiaren egoitzetara eraman dute beraien protesta. “Industria politika baten alde, Arcelorrik gabeko etorkizunari ez” lemapean, Donostiara joan ziren pasa den ostiralean, administrazio publikoaren inplikazioa eskatzeko. Era berean, Sestaoko ACB lantegiko langileekin batera, Zumarragakoak ere Eusko Jaurlaritzaren egoitza parean bildu ziren, protestan.
Enpresaren zuzendaritza eta langileen batzordea bilera egitekoak dira bihar, asteartea. Hasera batean, bilera hori Donostian egitekoak ziren, Lan Gatazkak Ebatzeko Egoitzan. Sindikatuetako ordezkariek ordea, bertara joateari uko egin diote, eta bilera Zumarragako lantegian egiteko eskatu dute.
Bere aldetik, Eusko Jaurlaritzak adierazpen hau egin zuen, aste santuaren aurretik.