Gabiriako Udalak ostiralean banatu zituen euskararen erabilera sustatzeko lelo lehiaketako sariak. LH 1-2-3 mailan saria Lexuri Etxezarreta Larrañagak jaso du (Euskararen leloa, gabiritarren leloa), LH 4-5-6an Luka Elgarresta Azpiazuk (Euskara munduan eta zure barruan), eta DBH 1-2an Xuban Elgarresta Azpiazuk (Ase ezazu euskaraz zure hitz egarria). Gerriko liburu-dendan euskarazko produktuetan gastatzeko 50na euroko txartelak jaso dituzte.